Почина јапонскиот моден дизајнер Исеј Мијаке
Јапонскиот моден дизајнер Исеј Мијаке, основач на истоимената модна куќа, почина на 84-годишна возраст, пренесуваат странските медиуми.
„Тој почина вечерта на 5 август“, соопштија од неговата канцеларија во Токио, без да даде повеќе детали.
Кариерата на Иси Мијаке траеше повеќе од половина век, а тој е познат по своите креации инспирирани од технологијата и парфемите.
Тој е роден во Хирошима во 1938 година, па како момче бил сведок на експлозијата на атомската бомба во тој јапонски град. За ова прозборе пред десет години во едно интервју бидејќи не сакал да го нарекуваат „дизајнер кој ја преживеал атомската бомба“.
„Кога ги затворам очите, сè уште гледам работи што никој не треба да ги доживее: светло-црвената боја, црниот облак веднаш потоа, луѓе кои трчаат во секоја насока очајно обидувајќи се да избегаат – се сеќавам на сè“, во таа прилика изјави Мијаке. „Во рок од три години мајка ми почина од радијација“, додаде тој.