Почина Фабијан О`Нил, поранешен играч на Каљари и екс репрезентативец на Уругвај
Поранешниот уругвајски фудбалер Фабијан О`Нил почина во неделата на 49-годишна возраст.
Во саботата во критична состојба беше префрлен во болница во Монтевидео на интензивна нега со крварење поради хронично заболување на црниот дроб.
О`Нил ја започна својата фудбалска кариера во уругвајскиот Насионал, од кој се пресели во Каљари во 1996 година.
Во текот на четири години одигра повеќе од 120 натпревари за клубот од Сардинија, а по неуспешната епизода во Јувентус не се снајде ниту во Перуџа.
Беше играч за врска во нападот, а за најдобрата уругвајска репрезентација имаше 19 настапи и два голови.
Lamentamos mucho el fallecimiento de Fabian O’Neill. Saludamos a sus familiares y amigos. QEPD pic.twitter.com/AdLcJ60eXW
— Tenfieldoficial (@tenfieldoficial) December 25, 2022