Почина Ен Рајс, авторката на романот „Интервју со вампирот“
Американската писателка Ен Рајс почина на 80-годишна возраст, опкружена со своето семејство, објавија бројни светски медиуми.
Рајс е автор на околу четириесет романи и збирки раскази, а најпозната е по делото „Интервју со вампир“.
Таа починала поради компликации предизвикани од мозочниот удар, а нејзиниот син Кристофер објави тажна вест на нејзината фејсбук-страница.
„Во нејзините последни часови седев до нејзиниот болнички кревет и се восхитував на нејзините достигнувања и храброст“, напишал меѓу другото.
Таа во текот на нејзината кариера продаде повеќе од 150 милиони книги, пишува Би-би-си. Таа го објави романот „Интервју со вампирот“ во 1976 година и веднаш стана бестселер.
Дваесет години подоцна, делото беше прикажано, а Нил Џордан им ги довери главните улоги на Бред Пит и Том Круз. Филмот имаше две номинации за Оскар, а Кирстен Данст беше номинирана за најдобра женска улога.
Големиот успех на романот ја поттикна писателката да продолжи да се занимава со вампирите, како главен лајтмотив. Рајс ја создаде „Вампирската серија“ која вклучуваше 15 дела. Една книга од таа серија „Кралицата на проклетите“ исто така беше претворена во филм и беше доста успешна.
View this post on Instagram