Почина Бенгт Јохансон, легендата на шведскиот и светски ракомет
Шведската ракометна федерација ја објави тажната вест дека легендарниот селектор Бенгт Јохансон почина на 79 години.
Легендарниот селектор на шведската репрезентација во периодот од 1988 до 2004 година, направи многу во домашниот и светскиот ракомет.
Во негово време Швеѓаните станаа најсилната светска ракометна сила со генерацијата Висландер, Олсон, Свенсон, Левгрен, Врањеш…
Познатите „Бенга Бојс“ освоија два светски и четири европски златни медали, додека на олимписките турнири трипати освоија сребро.
Информациите велат дека Јохансон во последните години боледуваше од Паркинсонова болест.