Ашанти Елиот Смит страдала од ретка болест, синдром HGPS или Хачинсон Гилфорд Прогерија, исто така познат како синдром – Бенџамин Батон. Во 2014 година, лекарите изјавија дека не очекуваат девојката да живее подолго од нејзиниот 15 – ти роденден.

Храбрата девојка се избори многу повеќе од тоа, но, за жал, почина на свои 18 години. Лекарите велат дека нејзиното тело било на возраст на 144-годишник.

Болеста на Ашанти е исклучително редок синдром што се должи на фактот дека таа старее неконтролирано – осум години за секоја година од нејзиниот живот.

– Ашанти почина покрај мене, нејзиниот татко и наша блиска пријателка. „Мораш да ме пуштиш“, беше последното нешто што ми го кажа Ашанти пред да почине, изјавила нејзината мајка, Фиби Луис Смит.

Фиби изјавила дека погребот ќе биде организиран со многу бели коњи, пердуви и знамиња во бои на виножито.

– Нејзиниот живот беше чиста радост. Прогеријата влијаеше на нејзината подвижност, но не и на радоста на животот. Ја обожував, таа беше брилијантна и со неверојатен дух, изјавила нејзината мајка.