Американскиот милијардер Рос Перо кој во два наврати бил и кандидат за претседател на САД, почина на 89 години, по кратката борба со леукемијата, информираат денеска американските медиуми.

Перо е човекот кој е познат како успешен бизнисмен, а  во 90-тите години на минатиот век тој започнал и политичка кариера, па воедно се смета и за една од поинтересните политички фигури во американската политика.

JUST IN: Businessman and former presidential candidate Ross Perot has died, according to the Associated Press. He was 89 years old. https://t.co/gRDbHckejP pic.twitter.com/j43jbt2gzG

— ABC News (@ABC) July 9, 2019

Покрај неговата бизнис и политичка кариера, Перо го освои американското внимание благодарение на неговите напори околу Виетнамската војна за добивање на подобри услови за американските затвореници.

Магазинот Форбс во април оваа година го процени неговото богатство на 4,1 милијарди долари.