Почина Александар Закоски – Гризли, голем пријател на македонскиот фудбал
Како последица од коронавирусот на 65-годишна возраст почина поранешниот спортски директор на фудбалскиот клуб Вардар, Александар Закоски – Гризли.
Беше дел од раководството на ФК Вардар со кој успеа да го оствари еден од најголемите резултати во нашата клупска историја, елиминирајќи го рускиот гигант ЦСКА Москва во квалификациите за Лигата на шампионите во 2003 година.
– Човек со храбро срце! Ќе остане запаметен како голем пријател на македонскиот фудбал и Фудбалската федерација на Македонија.
Спортски работник и директор на ФК Вардар во еден од блескавите моменти за „црвено-црните“.
Популарниот Гризли целиот живот со неверојатна страст и многу љубов придонесуваше за фудбалот и нè задолжи сите нас. Ќе ги чуваме спомените. Искрено сочувство до најблиските и фамилијата – соопштуваат од Фудбалската федерација на Македонија.