Почина актерот од „Војна на ѕвездите“ и „Хари Потер“, Пол Грант: Го нашле на улица во бессознание
Британскиот актер Пол Грант, почина на 56-годишна возраст, потврди неговото семејство. Актерот се прослави со улогите во „Војна на ѕвездите“ и „Хари Потер“
Членовите на семејството за британски „The Sun“ изјавиле дека Грант вчера бил исклучен од апаратите. Полицијата го пронашла минатиот четврток пред станицата Кингс Крос во Лондон, како лежи на улица во бессознание. Пол Грант, кој го играше Евок во „Враќањето на џедајот“ покрај Харисон Форд и Марк Хамил, итно бил пренесен во болница каде што била прогласена мозочна смрт.
„Уништена сум. Татко ми беше легенда на многу начини. Тој ги насмејуваше луѓето и ги правеше среќни“, рекла ќерката на актерот, Софи Џејн Грант, пишува „Daily Mail“.
View this post on Instagram
Со емотивна порака Софи се прости со својот татко на социјалните мрежи:
„Тато, многу те сакам, спиј мирно“ – напиша таа.
Пол Грант бил татко на три деца, две ќерки и еден син. Софи Грант нагласила дека нејзиниот татко бил одличен родител, дедо и актер кој правел се за секого.
Партнерката на актерот Марија Двајер (64) изјавила дека Пол е љубовта на нејзиниот живот и дека тој и го направил животот комплетен.
