Почина 21-годишниот американски рапер Џус Врлд
Американскиот рапер Џус Врлд (Juice WRLD), чие вистинско име е Џаред Хигинс, ненадејно почина на 21-годишна возраст.
Како што пренесуваат медиумите, пејачот утрово стигнал на меѓународниот аеродром „Мидвал“ во Чикаго, каде што допатувал од Калифорнија. Кога докторите дошле на местото на настанот, тој крварел од устата, но сѐ уште бил свесен.
Раперот веднаш бил пренесен во болница, каде што починал.
Причината за неговата смрт засега е непозната.
Раперот Џус Врлд реализираше неколку хитови, меѓу кои и „Bandit“, „Robbery“ и „Hate me“, која ја изведуваше заедно со Ели Гудинг. Најголемо музичко достигнување му е песната „Lucid Dreams“ од 2018 година, со која се искачи на второто место на светските топ-листи.
Во мај годинава беше прогласен за „Најдобар нов артист“ на церемонијата на врачувањето на наградите Билборд мјузик авардс, кои ги доделува реномираното музичко списание „Билборд“.
