Битолчани лошо го започнаа натпреварот и му дозволија на рускиот тим да доминира во воведните минути. Лошата игра на избраниците на Стефче Алушовски траеше 15 минути кога Спартак имаше водство од 5:10, и откако помина „тремата“ ракометарите на Еурофарм го покажаа вистинското лице.

Го оставија противникот без постигнат гол дури осум минути и за тоа време успеаја да израмнат на 10:10, а потоа ја презедоа контролата врз играта и резултатот. На полувреме дојдоа до предност од два гола (15:13), и умешно ја одржуваа предноста до крајот на средбата.

Најдобар кај битолскиот беше Невен Стјепановиќ со 10 постигнати гола, а Вегар даде пет за победнично деби на „фармацевтите“ во СЕХА. Кај рускиот тим, поранешниот ракометар на Вардар, Александар Деревен даде осум гола.