Победа за Педро Санчез: Ќе им пружиме рака на сите политички сили
Шпанските социјалисти предводени од актуелниот премиер Педро Санчез победија на парламентарните избори во Шпанија, но според досегашните резултати, немаат мнозинство за формирање влада.
Од досега обработените резултати, партијата на Санчез ќе освои 123 пратенички места, од вкупно 350, додека централно-десничарската Сиудаданос ќе добие 57 пратенички места. Пред изборите се шпекулираше за нивна коалиција, но засега таа идеја е отфрлена од лидерите на двете партии.
Санчез исто така вети дека и покрај левичарските идеали, тој и неговата партија се подготвени да подадат рака на сите политички сили, а вети и дека како идна влада, ќе ја унапреди социјалната еднаквост и соживотот, но и дека ќе го реши спорот со Каталонија.