Американската Централна разузнавачка агенција (ЦИА) го отвори „Кинескиот центар“ за справување со заканите кои доаѓаат од експанзионистичката политика на Пекинг, изјави директорот на ЦИА Вилијам Бернс.

Целта на „Кинескиот центар“ е да го реши глобалниот предизвик што го поставува Народна Република Кина, за што е потребна акција на сите вработени во агенцијата, се вели во соопштението на оваа разузнавачка служба, која беше дистрибуирана до јавноста.

Извештајот е обелоденет откако Њујорк тајмс објави дека десетици шпиони кои работеле за американската Централна разузнавачка агенција (ЦИА) биле убиени, уапсени или разоткриени низ целиот свет.

Ова се однесува особено за оперативците ангажирани во Иран, Русија и Кина, каде домашните разузнавачки агенции регрутираа и ангажираа информатори на ЦИА како двојни агенти.

Во извештајот од 2013 година се наведува дека ЦИА има пет приоритети – борба против тероризмот, спречување на ширење нуклеарно оружје и оружје за масовно уништување, информирање на политичките лидери за важни настани во странство, контраразузнавање и сајбер -разузнавање.

Идентификувани биле неколку проблеми што доведуваат до откривање на агенти на ЦИА, а меѓу нив се пребрзиот процес на регрутирање, премногу доверба во изворите и незаслужена напредување во службата , вели директорот на ЦИА

Тој смета дека сите овие елементи треба да се сменат бидејќи мисијата против Кина што е клучна за безбедноста на САД.