По жалбата на Косово: ФИФА отвори постапка против Србија

Фото: EPA-EFE/Neil Hall

Meѓународната фудбалска федерација (ФИФА) денес отвори постапка против Фудбалскиот сојуз на Србија. Фудбалскиот сојуз на Србија се обвинува дека во соблекувалната пред натпреварот против Бразил бил поставен политички транспарент за Косово.

Во четвртокот пред натпреварот во српската соблекувална стоеше српско знаме со мапата на Косово и натпис „Нема предавање“.

Министерот за кулутра на Косово, Хајрулах Чека се пожалил во ФИФА поради тоа знам и навел дека Светското првенство е искористено да се промовираат „ксенофобни, геноцидни и пораки за омраза кон Косово“.

ФИФА во отворената постапка наведува дека истражува „недолично однесување, вклучувајќи навредливи гестови, знаци или јазик и промовирање на работи кои не се поврзани со фудбалот“.

Засега не е познато кога Светската куќа на фудбалот ќе ја донесе пресудата. Следниот натпревар Србија го игра во понеделник од 11:00 часот против Камерун.

Видео на денот