Постигнувањето на тачдаун во НФЛ лигата играчите го одбележуваат со разни прослави, но не и вајд рисиверот на Хјустон, Деандре Хопкинс. Тој секојпат кога ќе постигне тачдаун топката и ја дава на својата слепа мајка која е на трибините и традицијата ја продолжи и на дуелот против Индијанаполис колтс.

.@DeAndreHopkins‘ mother, who lost her vision 17 years ago, always sits in the same spot near the end zone at Texans home games.

Hop found her after his TD ❤️
(via @thecheckdown)pic.twitter.com/lULBgm2x9T

— ESPN (@espn) November 22, 2019

По остварениот тачдаун, Хопкинс отиде до трибината ѝ и ја даде топката на својата мајка Сабрина Гринли која го загуби видот пред 17 години, но и покрај тоа, таа постојано е на трибините и ги слави неговите успеси.

Сабрина Гринли остана без вид во 2002 година кога една девојка и истури киселина на лицето бидејќи се сомневала дека нејзиното момче спие со Сабрина. По нападот, Сабрина неколку недели помина во вештачка кома.
– Прво што помислив додека лежев беше: „Зашто некој би ме испрскал со жешка вода?“. Меѓутоа, неколку моменти подоцна се вратив во реалноста, тоа не беше вода бидејќи кожата почна да ми паѓа од лицето, од вратот, градите, грбот… – раскажува Сабрина Гринли.

Одењето на натпревари за да го бодри својот син не беше воопшто лесно на почетокот.
– Знаев дека Диандре сака да бидам на трибините, постојано ми зборуваше, но на мене ми беше тешко да се одлучам да одам поради мојот изглед. Сепак, со тек на времето успеав да се изборам со реалноста, со слепилото, со лкузните и со исмејувањето од страна на публиката. Сето тоа ми даде дополнителна сила – вели Гринли.
Деандре Хопкинс е еден од најдобрите вајд рисивери во НФЛ лигата, има три настапи на Про блоул и два пати беше избран во најдобриот тим на лигата.