10 C
Скопје

По палењето на бугарско знаме во Вевчани: Осуда од државниот врв, ЈО ќе поведе истрага за случајот

Палењето на бугарското знаме викендот во Вевчани претставува жешка шлаканица на засилените дипломатски активности во насока на затоплување на односите и враќање на довербата меѓу Македонија и Бугарија. Источниот сосед испорача демарш за немилите сцени од карневалот, а со случајот ќе се занимава и Јавното Обвинбителство чија истрага треба да утврди дали има кривично дело – повреда на углед на странска држава.

– Обвинителството ќе испитува дали во случајот има кривично дело – Повреда на угледот на странска држава, по член 181 од Кривичниот законик. По наредба на Обвинителството, СВР Струга треба да го утврди идентитетот на сторителот и да ги идентификува и другите присутни на настанот. Исто така, ќе бидат обезбедени и евентуалните снимки од камери на кои е регистриран инцидентот, а ќе бидат преземени и други дејствија за расчистување на настанот, велат од Јавното Обвинителство.

Демаршот за палењето на знамето го достави бугарскиот амбасадор во Македонија, Ангел Ангелов, по што се надоврзаа со реакции од државниот врв. Претседателот Стево Пендаровски го осуди чинот во Вевчани.

– Палењето на знамето на Бугарија за време на карневалот во Вевчани е недопустливо и за осуда. Меѓу соседите е неопходно градење доверба, разбирање и почитување, напиша претседателот Пендаровски.

Од МНР, пак велат дека ваквиот чин го уништува угледот не само на Карневалот, туку и на земјата.

– Вековна традиција не смее да биде загрозена со активности со кои се омаловажуваат или навредуваат народи, држави, посебно нашите соседи, велат од МНР.

Поврзани вести

Во куќата на ужасот во Ритопек: Во дневната соба пронајдена ДНК од убиениот навивач Здравко Радојевиќ

Горан Наумовски

ВИДЕО| Се урна балкон, 15 лица паднаа на карпи

Слободен печат

Македонски војник со тешка состојба поради ковид-19 се транспортира од Африка

Слободен печат

Царовска демантира: ВМРО-ДПМНЕ преку своите партиски мегафони се обидува пак дрско да манипулира со граѓаните

Слободен печат

Рама: Решен сум да го заменам Илир Мета, тој ја срами земјата

Слободен печат

Израел возврати на рекетирањето од Газа, најмалку 20 загинати

Слободен печат

Остави Коментар