По отказите на неколку лекари, вонредна контрола ја чешла „Жан Митрев“ – Слободен печат
ВестиМакедонија

По отказите на неколку лекари, вонредна контрола ја чешла „Жан Митрев“

Ова следува откако детскиот кардиохирург Владимир Чадиковски и уште четири други лекари дадоа отказ од „Жан Митрев“.

Државниот санитарен и здравствен инспекторат вчера извршил вонреден инспекциски надзор во болницата „Жан Митрев“ и констатирал дека здравствената дејност се врши согласно решението за дозвола за вршење дејност издадено од Министерство за здравство.

„Државниот санитарен издравствен инспекторат на 12.08.2019 година изврши вонреден инспекциски надзор во ПЗУ Клиничка болница „Жан Митрев“ Скопје, а во врска со исполнување на законската обврска на здравствената установа во вршењето на здравствената дејност согласно дозволата за работа издадена од Министерство за здравство бр.22-665/3 од 01.03.2019г. При надзорот е констатирано дека здравствената дејност во ПЗУ Клиничка болница „Жан Митрев“ Скопје се врши согласно Решението за дозвола за вршење дејност издадено од Министерство за здравство“, се вели во соопштението.

Ова следува откако детскиот кардиохирург Владимир Чадиковски и уште четири други лекари дадоа отказ од „Жан Митрев“. Тие беа дел од тимот кој во приватната болница се префрли од Клиниката за детска хирургија со цел кај Митрев да почне да се изведуваат каридиохируршки операции кај новороденчиња со вродени срцеви мани. Проблем е што Чадиковски е единствениот лиценциран кардиохирург во земјава, па останува отворено прашањето кој сега ќе ги оперира новороденчињата.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close