Само неколку дена откако фудбалскиот свет го потресе скандалот околу наводните финансиски малверзации на Јувентус, денеска весникот „Тајмс“ открива дека екипи од Премиер лигата соработувале со компании кои работат со криптовалути.

Премиерлигата за „Тајмс“ потврди дека ќе започне истрага за партнерството помеѓу англиските екипи и „крипто“ фирмите. Лигата е внимателна со овие компании поради недостатокот на регулирани правила и прописи во работата со криптовалутите.

„Тајмс“ до ваквите сознанија дојде откако Манчстер сити мораше да ја прекине соработката со фирма која работи со криптовалути и тоа откако клубот откри дека еден од раководителите чии имиња беа во соопштението за јавност, не бил присутен на мрежата.

Неколку спортски екипи, лиги и играчи прифатија да бидат партнери со „крипто“ фирмите бидејќи тоа за нив е уште еден извор на приходи.

Но, со појавата на пазарот на нови криптовалути, се зголемува и процентот за пропаст на новите криптовалути и тоа на сметка на навивачите чии инвестиции може да им предизвикаат финансиски проблеми.