По исфрлањето од ноќен клуб Халанд се врати на „работата“ на нива
Норвешкото чудо од дете на интересен начин се подготвува за наредната сезона.
Одличниот напаѓач Ерлинг Халанд се одмора во Норвешка по првата полусезона во Бундеслигата, но според фотографиите кои ги објавува на социјалните мрежи, играчот на Борусија Дортмунд повеќе работи отколку што одмора.
? Über die Farbe müssen wir aber nochmal reden, @ErlingHaaland. ? pic.twitter.com/xoVdUTzHuM
— Borussia Dortmund (@BVB) July 15, 2020
Минатата недела објави фотографија како во работно одело држи моторна пила, а неколку дена подоцна беше исфрлен од ноќен клуб по што доби серија критики.
– Ерлинг не беше пијан иако сите мислеа така. Тој соработуваше и покажа разбирање поради целата ситуација додека разговаравме. Поради актуелната состојба со коронавирусот, обезбедувањето беше свесно дека ќе се направи мешанива околу него бидејќи сите ќе сакаат да се сликаат или автограм па поради тоа го замоливме да си замине – изјави за норвешките медиуми, шефот на обезбедувањето на ноќниот клуб.
LMAO Haaland getting kicked out of a club in Norway pic.twitter.com/2QKgvo4uOL
— Hassan ?⚪️ (@magicalcantara) July 12, 2020
Се чини дека Халанд одлучи да ги послуша критичарите и се врати на работата – на нива.
Тој објави фотографија на која седи на трактор, а веднаш реагираше и неговиот клуб Борусија Дортмунд.
„(емотикон на трактор) Ерлинг мораме повторно да разговараме за бојата“, одговори Борусија, а притоа мислеше на бојата на невниот најголем ривал, Шалке чија заштитна боја е сината.
