ПО ГРЕШКА ОСЛОБОДИЈА ОПАСЕН ПЕДОФИЛ: Човекот кој злоупотреби десетгодишно девојче сега е на слобода
Во американската сојузна држава Џорџија трае потрагата за педофил кој беше осуден за силување на дете. Тони Мејкон Муњоз-Мендез беше во затвор четри години, а претходно е осуден за силување и тешка злоупотреба на девојче помало од десет години.
Тој беше осуден на доживотна казна-затвор, а минатата недела од затворот по грешка е пуштен на слобода, објави Фокс Њуз, повикувајќи се на соопштението за медиумите на затворот од Џорџија.
Муњоз-Мендез (31), пуштен е поради грешка од затворот Роџерс Стејт во руралниот округ Татнал. Грешката се случила во 11.30 наутро минатиот петок, соопштија од затворот, а пренесе „Индекс.хр“.
– Ги користиме сите ресурси за брзо да го фатиме Муњоз-Мендез – се додава во соопштението од затворот.
Муњоз-Мендез е во затворот од 2015 година, откако е осуден за силување и тешка злоупотреба на девојка помлада од 10 години во округот Гвинет, јавува WSB-TV од Атланта повикувајќи се на изворите од судот, пренесува Фокс Њуз.