Џастин Тимберлејк и Џесика Бил се во брак од 2012 година, но во последно време Џастин не се одвојува од колешката Алиша Вејнрајт и не го носи венчалниот прстен.

Минатиот викенд пејачот е виден со колешката во едно кафуле додека таа го држела за рака и го галела по коленото. Музичарот не ја носел бурмата на раката, а еден ден подоцна се видени како заедно ја напуштаат куќичката на сетот.

Џастин и Алиша го снимаат филмот „Палмер“ во кој глумат љубовници.

Првпат откако се раширија глаините, во јавност е видена сопругата на Џастин, Џесика Бил, која сè уште ја носи бурмата и не изгледа како да е лошо расположена.

Дали се работи за добро смислена приказна за промоција на филмот или Џастин и Џесика претходно се разделиле и Тимберлејк пронашол утеха во осум години помладата колешка, останува да видиме.

Тие се во брак од 2012 година и го имаат 4-годишниот син Силас.