По Филипче, и Спасовски негативен на вториот тест за корона
Денеска го добив резултатот од вториот тест на коронавирус и тој е – негативен, соопшти на својот фејсбук профил премиерот Оливер Спасовски.
„Многу е важно сите до еден целосно да ги почитуваме мерките и препораките. Секој од нас може да даде придонес за јавното здравје за наскоро да можеме заедно да го вратиме животот во новата нормала.
Им благодарам на сите за поддршката. Останува и понатаму да внимаваме и да ги почитуваме мерките на предострожност. Да носиме заштитни маски, да држиме физичка дистанца од два метри, да се чуваме, а со тоа да ги чуваме и другите.
Секој што ги почитува мерките спасува здравје и живот. Само со заеднички придонес, полесно и побрзо ќе ја добиеме битката со КОВИД-19“, напиша Спасовски.
Претходно и министерот за здравство, Венко филипче информираше дека е негативен на вториот тест и дека денеска завршува неговата 14-дневна самоизолација.
