18.8 C
Скопје

По долга и тешка борба со ракот: Книжевниот свет ја загуби Лусинда Рајли

По четиригодишна борба со ракот, книжевниот свет денес ја загуби Лусинда Рајли, вистински мајстор на пишаниот збор и една од најчитаните писателки во светот, но и кај нас. Оваа тажна вест ја соопшти нејзиното семејство со објава на социјалните мрежи.

– До пријателите на Лусинда и читателите низ светот,

Жал ни е што мораме да ви соопштиме дека Лусинда почина мирно утрово, опкружена со нејзиното семејство кое беше толку важно за неа. Сфаќаме дека ова ќе биде ужасен шок за повеќето луѓе кои не беа свесни дека Лусинда се бореше со рак веќе четири години.

За време на тие четири години, Лусинда напиша 5 романи, а оваа седмица „Загубената сестра“ е број 1 роман во целиот свет.

Лусинда ги трогна животите на сите што ги запозна и оние кои ги свртеа страниците на нејзините приказни. Таа зрачеше со љубов и љубезност во сè што правеше и ќе продолжи да нè инспирира сите засекогаш.

Пред сè, Лусинда го сакаше животот и го живееше секој момент во целост.

Со нејзини зборови: „Преку болката и радоста на патувањето, ја научив најважната лекција што може да ја понуди животот, и мило ми е заради тоа. Моментот е сè што имаме, стои во емотивната објава.

Оваа ценета ирска писателка ја стекна својата светска популарност со своите семејно-љубовни романи кои изобилуваат со заплети и интересни личности. Нејзините дела се преведени на 30 јазици, а продадени се над 15 милиони примероци. „Куќата на орхидеите“, „Полноќна роза“, „Ангелско дрво“ и „Девојчето на гребенот“ се едни од најдрагите книги на македонската читателска публика, дела по кои ќе остане запаметена.

Поврзани вести

Рама и Мета ја поздравија одлуката на Холандија за Албанија да почне преговори со ЕУ

Слободен печат

ООН ги поздрави резултатите од средбата меѓу Бајден и Путин

Слободен печат

ВИДЕО: Погледнете како се снимал култниот филм „Dirty Dancing“

Слободен Печат

Шахпаска: Креираме законско решение кое ќе одговори на денешното современо време

Слободен Печат

Карли Клос: Го следев моето срце, се омажив за човекот што го сакам и покрај сите компликации

Слободен Печат

СДСМ: Опозициската ВМРО-ДПМНЕ се уште е под палка на бегалецот од Будимпешта

Слободен Печат

Остави Коментар