На Б страната од промотивниот сингл за албумот на „Бајага и инструктори“, под назив „Са друге стране јастука“ од 1985 година, се наоѓа компјутерска информација за Sinclair Spectrum, која беше мистерија за многумина, бидејќи во тоа време компјутерите беа далеку од секојдневие.

Меѓутоа, 35 години подоцна, мистеријата ја реши Марко Шолајиќ, корисник на Твитер, кој исто така се занимава со програмирање, а кој опиша како го декодирал овој запис.

– Малку дигитална археологија од аналогниот период. Синглот на Бајага од 1985 година на Б страната имаше компјутерска информација за Sinclair Spectrum. Бидејќи никако не успеавме да откриеме што навистина е тоа, еден мој пријател го дигитализираше тој запис и го испрати на декодирање – вели Шолајиќ.

Ove greške u proizvodnji ploče su se manifestovale kao greške na nivou bitova, jedan bit viška i dekodiranje ne uspe. Raznim audio filterima i obradom uspeo sam da program dekodiram namenskim softverom tako da prvi deo ne valja, ali zato drugi deo valja. pic.twitter.com/VpPEJpBKh5

— Marko Šolajić (@msolajic) February 15, 2020

– Програмата е дел од две различни примероци на плочата, но ниту еден без обработка не можеше да се вчита од почеток до крај. Грешката се појавува на околу 70 отсто, што веројатно е резултат на проблем во самото производство на плочата, а и матрицата не беше центрирана, па сигналот се губеше. Овие грешки во производството на плочата се манифестираа како грешки на ниво на битови, еден бит плус и декодирањето не е успешно. Преку најразлични аудиофилтри и со посебна обработка успеав да ја декодирам програмата, така што првиот дел не е во ред, но затоа вториот е добар. Со комбинација на овие делови, а знаејќи ја и точната должина на програмата, конечно добив програма која без грешка успеа да се вчита – објасни Шолајиќ и објави Јутјуб снимка на која се гледа што се случува кога програмата ќе започне со работа.

Naravno, svega ovoga ne bi bilo bez Žarka iz https://t.co/OompekZtpz koji je nabavio ploče, kao i Slavka iz Badboy studija iz Pančeva, koji je ploče digitalizovao.

— Marko Šolajić (@msolajic) February 15, 2020

Кога програмата ќе почне со работа, на екранот всушност се појавуваат песните од тој албум заедно со нивните текстови. Исто така, секоја песна има своја различна позадина.