По 30 години Општина Шуто Оризари доби полициско одделение - Слободен печат

По 30 години Општина Шуто Оризари доби полициско одделение

По речиси 30 години Општина Шуто Оризари доби полициско одделение од општа надлежност кое ќе функционира во рамки на полициската станица Чаир.

Министерот за внатрешни работи Оливер Спасовски и градоначалникот на Општината Курто Дудуш на отворањето на канцеларијата пред граѓаните порачаа дека целта на ова полициско одделение е да се придонесе кон поголема безбедност на општината.

– Имаме преубав објект, мотивирани работници и нов командир кој ќе се грижи за безбедноста на граѓаните од Шуто Оризари. Вложивме над два милиони денари средства од буџетот на МВР за да го реализираме целиот проект. Се надевам дека со ова ќе придонесеме безбедноста на општината да биде на повисоко ниво, а партнерството меѓу граѓаните и полицијата ќе се зајакне, истакна Спасовски.

Министерот рече дека очекува граѓаните да соработуваат со македонската полиција за потребите што ги имаат, како и да се информираат за нивните права како превентивно да се делува во делот на безбедноста, а со тоа заеднички да се придонесе и за безбедноста на Градот Скопје и на државата.

Градоначалникот Дудуш кажа дека денешниот ден за општина Шуто Оризари е празник.

– По 27 години постоење на нашата општина во Шуто Оризари се отвора полициско одделение. Иако во минатото имаше повеќе обиди за отворање на вакво одделение, сепак немаше слух. За ова со министерот Спасовски разговаравме не повеќе од шест до осум месеци и денеска имаме полициско одделение кое ќе се грижи за безбедноста на општината, истакна Дудуш.

Министерот Спасовски и градоначалникот Дудуш во новоформираното полициско одделение остварија средба на која разговараа за меѓусебната соработка, како и за обновување на врската меѓу локалната заедница и полицијата.

Прочитај повеќе

Бил Гејтс: Моите милијарди покажуваат дека економијата не е фер

Слободен Печат

Напад на Хутите во Јемен, 40 мртви

Слободен Печат

„Женскиот марш“ во Вашингтон со критики кон политиките на Трамп

Слободен Печат

Македонци носеле нерегулиран отпад во Бугарија – сопствениците на компанијатa негираат

Слободен Печат

Над 160 повредени во протестите во Бејрут (ВИДЕО)

Слободен Печат

Академик Георги Старделов ја доби Светската награда за хуманизам 2020

Алек Стојковски

Остави Коментар

five + fourteen =

Прочитај повеќе

Силен земјотрес ја погоди Индонезија

Слободен Печат

Приведен новинар кој ја откри локацијата на Макрон

Слободен Печат

Јапонија воведува задолжително спиење на работното место

Слободен Печат

Голема снежна бура во Канада: Затворен аеродромот во Њуфаундленд, илјадници луѓе останаа без струја (ВИДЕО)

Слободен Печат

Солзавецот и водените топови се недоволни: Либанскиот претседател бара војската да ги растера демонстрантите (ВИДЕО)

Слободен Печат

Наезда на скакулци во Африка, најголема во последните 25 години

Слободен Печат