По 24 дена два нови случаи на коронавирус во Нов Зеланд

Нов Зеланд за време на Ковид-19 пандемијата/ Фото: Профимедиа

Нов Зеланд пријави први нови случаи на коронавирус по 24 дена, а се работи за две жени кои пристигнале од Велика Британија за да посетат родител на смртна постела.

Тие пристигнале во Нов Зеланд на 7 јуни преку Доха и Бризбејн и биле изолирани во Окланд, каде што пред да бидат тестирани, добиле специјална дозвола да го посетат родителот.

Тие патувале со автомобил од Окланд до Велингтон, а сега двете се во самоизолација.

Поради новите случаи во Нов Зеланд, почнаа тестирања на вирусот за сите кои можеби биле во близина на двете жени, вклучувајќи ги патниците и екипажот на летот, во карантинот во Окланд, како и членовите на нивното семејство со кои биле во Велингтон.

Во Нов Зеланд се пријавени вкупно 1.506 случаи на коронавирус, а починале 22 лица.

Земјата не ги отвори своите граници, но минатата недела ги укина сите социјални и економски ограничувања, откако беше објавено дека нема нови случаи.

Сепак, премиерката Џасинда Ардерн предупреди дека во иднина може да се појават нови случаи на коронавирусот, кога граѓаните, како и странците со посебни дозволи, ќе се вратат во земјата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот