Младинската Асоцијација ИМКА во соработка со Мировниот Корпус и оваа година го организира Младинскиот Лидерски Камп (Young Men’s Leadership Project).

На кампот учествуваат 52 средношколци од Македонија поддржани од 36 волонтери и персонал. Кампот се одржува во детското одморалиште Бегова Корија (поранешно Шула Мина) на планините во близина на Крушево вопериодот 14-21јули 2019.

Како што информираат од асоцијацијата, наставата вклучува граѓанска одговорност, лидерство, животна средина, младинска вработливост и личен развој. Дополнително, кампот обезбедува можности за кампување на отворено, тимска работа, учење различни спортови и рекреација,уметничко изразување и други кориснии практични вештини, велат од ИМКА.

Мисијата на ИМКА и на овие кампови е оспособување на младите луѓе и развивање навродениот потенцијал кој тие го поседуваат преку обезбедување на вештини изнаења неопходни за да станат активни лидери во нивните средини. Ова се прави преку искуствено образование кое промовира разноликост, гради академски исоцијални вештини кај младите.

Програмата се темели на спој на неформалното образование и едукација на отворено, информираат од младинската асоцијација.