Поранешната Мис на светот Росана Дејвидсон (36) потврди дека родила момчиња близнаци откако претходно претрпела 14 спонтани абортуси. Манекенката се огласи на својот Инстаграм профил во вторникот и сподели фотографија на која е заедно со нејзините штотуку родени синови Уго и Оскар и сопругот Вес Квирк.

Росана отворно зборуваше во врска со нејзините проблеми со плодноста како и за својата ќерка Софија која минатиот ноември со нејзиниот сопруг ја добија преку сурогат мајка. Лекарите ја советувале дека тоа е нејзината најдобра опција со цел да си ја исполни желбата да стане родител.

Ирската убавица се породи во Даблин и изјави дека со нејзиниот сопруг се пресреќни.

„Туку така, станавме петчлено семејство и сите наши соништа се остварија. Ние сме длабоко благодарни на прекрасниот и вреден тим во болницата за сета нивна љубезност и поддршка“, напиша Росана.

Заблагодарувајќи им се на своите следбеници таа напиша: „Ви благодарам многу за сите ваши прекрасни пораки, коментари, текстови и добри желби.“

Поранешната мисица отворено зборуваше за болката и нејзините четиринаесет загуби во изминатите неколку години, за сите предизвици како и за гестацискиот сурогат.

Росана вели дека нејзиниот лекар не може да понуди медицинско објаснување што се случило со нејзиното тело овој пак и како била во можност да ја одржи бременоста до крај. На своите следбеници, обожаватели и пријатели им порача никогаш да не губат надеж и дека чудата се случуваат.