По 14 години ја озаконија љубовта: Се омажи внуката на принцезата Дијана, Лејди Амелија Спенсер
Внуката на покојната принцеза Дијана се омажи, Лејди Амелија Спенсер за својот долгогодишен партнер, Грег Малет. Грег ја побара раката на својата сакана пред три години. Церемонијата се одржа во Јужна Африка, по желба на Амелија, каде убавицата поминала добар дел од своето детство откако нејзините родители, Чарлс Спенсер и Викторија Ајткен се разведоа.
View this post on Instagram
Амелија со нејзината близначка Елиза, нејзината постара сестра Кити и најмладиот од куќата Луис, пораснаа во Кејп Таун. Лејди Амелија отсекогаш сонувала да ја прослави својата љубов во земјата која отсекогаш била дом за неа. Свадбената прослава се одржа на поранешната фарма „Ла Кот“ која датира од 1698 година, во која сега се наоѓа одморалиште, во градот Франшхук, на околу 75 километри од Кејп Таун, пишува „Дејли меил“.
View this post on Instagram
Амелија и Грег го кажале судбоносното „да“ пред семејствата и најблиските пријатели, а според медиумите на прославата присутвувале околу 100 гости.
View this post on Instagram
Само пред неколку дена „Дејли меил“ пишуваше дека венчавката би можела да се одржи во Алтроп Хаус во Нортхемптоншир, каде што е погребана принцезата Дијана.
Ваквите гласини ги „подгреа“ самата манекенка.
„Тоа е дом на нашите предци и наш семеен дом со генерации. Тешко ми е да замислам подобро место за стилска свадба“ – изјави претходно Амелија во интервју за неделникот „Хелоу“.
View this post on Instagram
„Јас сум страсна личност, како мојата покојна тетка, верувам дека оваа особина ја наследив од неа“ – откри манекенката во истото интервју.
View this post on Instagram
Претходно пак, нејзиниот вереник Грег сподели заедничка фотографија на Инстаграм со натпис: „Уште малку“, со што јасно стави до знаење дека се подготвуваат за венчавката по 14 годишна врска.
ФОТО | Овие две убавици се внуки на принцезата Дијана и најпознати аристократки