Попладнево се одигра првиот натпревар од 16. коло во македонската прва лига, а во него лидерот Струга Трим Лум забележа победа во Кратово против Силекс со 1:2.

Победата за фаворитот во овој натпревар ја обезбедија Ибраими и Малески, Ристовски беше стрелец за Силекс.

Сега Струга е на чекор од тоа да биде есенски шампион за оваа сезона. Натпреварот беше отворен после 10 минути игра, Љамалари стартуваше над Ибраими во шеснасетникот и судијата покажа на белата точка. Токму и Ибраими беше сигурен реализатор на истиот.

Работата за Силекс стана потешка кога во 22. минута Љамалари заработи втор жолт картон и предвреме беше испратен во соблекувалната. Само три минути по неговото исклучување Малески зголеми на 0:2.

Се обидуваше Силекс во второто полувреме да дојде до гол и да направи нешто, сепак успеа само да го ублажи поразот преку Ристовски во 83. минута.

Преостанатите натпревари од ова коло се играат утре, а се сретнуваат:

Скопје – Академија Пандев

Победа – Шкупи

Работнички – Македонија Ѓорче Петров

Шкендија – Тиквеш

Сите натпревари се играат од 13:00 часот.