Раководството на англискиот шампионат денеска објави колку заработија клубовите за настапите во текот на сезоната, бројки од кои без сомнение боли глава.

Доволно е само да се истакне дека последниот во Премиер лигата, екипата на Хадерсфилд заработи дури 96.628.865 милиони фунти што е нешто помалку од 110.000.000 евра. А сите останати ја надминаа границата од 100.000.000 фунти.

Интересен е податокот што шампионот Манчестер Сити заработи помалку од второпласираниот Ливерпул. „Граѓаните“ имаат приход од 150.986.355 фунти (или 171.202.673 евра), а Ливерпул 152.425.146 фунти или 172.843.110 милиони евра.

Liverpool top of the payment league with over £152 million #LFC @premierleague pic.twitter.com/xfAvfCOQVh

— Mesherlock (@Mesherlock1) May 23, 2019

Таквата разлика е последица во тоа што во самото Обединето Кралство во директен пренос се емитувани 29 натпревари на Ливерпул, а 26 на Сити.

Секако и Манчестер Јунајтед е почесто пренесуван од Сити (27 пати), но да не го заборавиме угледот на „црвените ѓаволи“  не само во Обединетото Кралство, туку и во целиот свет. Сити едноставно мора уште да „расте“, иако два пати по ред ја освојува Премиер лигата.