Пленковиќ: Просечната плата во Хрватска за четири години ќе биде 1.000 евра

Пленковиќ додаде дека најавата за создавање 100.000 работни места во текот на следните четири години не е случајна и се темели на резултатите од работата на неговата влада во текот на изминатите четири години.

Хрватскиот мандатар Андреј Пленковиќ денеска соопшти дека новата влада ќе ги исполни ветувањата за раст на просечната и минималната плата и дека просечната плата во таа земја за четири години ќе биде 7.600 куни (1.010 евра).

-За четири години од денеска ветувам просечна плата од 7.600 куни, рече Пленковиќ во хрватскиот Сабор, одговарајќи на забелешките на пратениците.

Тој додаде дека во претходниот мандат минималната плата беше зголемена за 754 куни (околу 100 евра) и најави дека минималната плата во наредните четири години ќе изнесува најмалку 4.250 куни (565 евра).

Пленковиќ додаде дека најавата за создавање 100.000 работни места во текот на следните четири години не е случајна и се темели на резултатите од работата на неговата влада во текот на изминатите четири години.

-Оваа бројка не е вклучена во програмата на новата влада како плод на безделничарење во слободно време, туку врз основа на резултатите од првиот, четиригодишен мандат на мојата влада, а тоа се 110.000 работни места што ги создадовме, им рече Пленковиќ на опозициските пратеници, кои ја доведоа во прашање реалноста на оваа најава.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот