Пленковиќ ја прифати оставката на министерот за одбрана
Хрватскиот министер за одбрана Дамир Крстичевиќ кој поднесе оставка по падот на воениот авион се состана со премиерот Пленковиќ.
Крстичевиќ поднесе оставка по падот на воениот авион во кој загинаа двајца припадници на хрватското воено воздухопловство блиску Задар.
Пленковиќ после состанокот рекол дека ја прифатил оставката, при што Дамир Крстичевиќ веќе не е министер за одбрана и потпретседател на владата.
– Одржав состанок со Крстичевиќ, тој ме извести за околностите. Не гледам ниту една причина за оставка. Но, разбрав дека оваа ситуација го погоди. Тој самиот беше војник, мој соработник и пријател, рече Пленковиќ.
Тој дополни дека не го смета за виновен Крстичевиќ.
– Вакви несреќи се случуваат. Жал ми е што тој така се чувствува. Го почитувам и затоа ја прифатив оставката. Нема да предложам нов министер за одбрана бидејќи владата е при крај, вели тој.