Платиле 30.000 евра за да стасаат во Париз со приватен авион, а полицијата ги уапсила

epa08291830 A private jet takes off from the deserted Milan Linate Airport amid the coronavirus pandemic in Milan, northern Italy, 13 March 2020. The airport, Milan's third-largest, has been temporarily closed down following a decree issued by the Ministry of Transport. All commercial and general passenger air traffic will be concentrated on Milan's Malpensa airport. According to the latest figures confirmed by Italian authorities, there are at least 15,113 cases of infection with the COVID-19 disease caused by the SARS-CoV-2 coronavirus and around 1,016 deaths so far in the Mediterranean country. EPA-EFE/MOURAD BALTI TOUATI

Девет лица без документи, кои со приватен авион допатувале од Турција во неделата биле уапсени на аеродромот Орли во Париз, по што веднаш побарале азил, денес објавија повеќе француски медиуми, повикувајќи се на извор на аеродромот.

Патниците во Париз пристигнале со авион на австриска компанија, соопштил изворот, додавајќи дека обвинителството во Кретеј отворило истрага, јави дописникот на МИА.

Илегалците од Турција морале да платат 30.000 евра за летот.

Според Кодексот за влез и престој на странци и право на азил (Цезеда), компанијата за авио-транспорт се казнува со парична казна од максимален износ од 10.000 евра, кога ќе се симне на француска територија, а не носи државјанин на држава од Европската унија и притоа е без патна исправа или виза, што се бара со закон или меѓународниот договор.

-Деветте лица тврдат дека се ирачки Курди и поднесоа барање за азил веднаш по нивното пристигнување, рече Лоре Палун, директор на Анафе (Национално здружение на гранична помош за странци), која следеше неколку од нив за време на нивното сместување во зона на чекање, каде што вообичаено ги држи граничната полиција.

Меѓу нив имаше и брачна двојка и една бремена жена, придружувана од 17-годишна малолетничка, која тврдеше дека ја напуштила својата земја и која имала разговор во средата со Офпра (Француска канцеларија за заштита на бегалци и лица без државјанство), која одлучува статусот бегалец. Во четвртокот во зоната на чекање останаа само две од деветте лица, додава Лоре Палун, „што сугерира дека другите седум се примени на територијата за азил“.

Ова е првпат мигранти да пристигнат во Франција со приватен авион, изјави Дидие Лески, директор на Француската канцеларија за имиграција и интеграција (ОФИИ). Потегот, меѓутоа, не го изненадува, имајќи го предвид забавувањето на миграциските текови и ограничувањето на воздушниот транспорт поради пандемијата, што предизвика затворање на надворешните граници на Европската унија.

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот