Руската приватна војска „Вагнер“ за првпат јавно бара платеници за војната во Украина
Во рускиот град Екатеринбург се поставени неколку билборди од досега таинствената платеничка група „Вагнер“, со кои се бараат нови борци за фронтот во Украина. На еден од нив пишува „татковина. Чест. Крв. Храброст. ВАГНЕР“, пишува „Гардијан“.
Вакви плакати беа забележани и низ неколку други градови во земјата. Додека западните медиуми со години пишуваа за мистериозната платеничка група поврзана со власта на Путин која војува за руските интереси низ целиот свет, во Русија „Вагнер“ досега беше табу-тема, а ова е првпат како јавно бара нови членови.
Not that long ago, Russian officials (up to Putin) and state media pretended that Wagner had nothing to do with the Russian state or even that it didn't exist at all
Today a report on the group storming 🇺🇦's second largest power station is on the front page of 🇷🇺's top tabloid pic.twitter.com/KTX6Ye0wMm
— Francis Scarr (@francis_scarr) July 29, 2022
„Се чини дека тие решиле веќе да не го кријат своето постоење. Сега веќе сите знаат за нив“, вели Денис Коротков, новинар на „Новаја газета“ и долгогодишен набљудувач на „Вагнер“.
Инаку, оваа група била основана од страна на Дмитри Уткин во 2014 како поддршка на проруските сепаратисти во источна Украина. Тој важи за краен десничар и наводно ја именувал групата според неговиот омилен композитор Рихард Вагнер. САД и други извори го посочуваат Евгениј Пригожин, моќен бизнисмен близок на Путин, како главен финансиер на групата. Тој негира дека има врски со „Вагнер“.
Западот во битка со „Вагнер“, рускиот паравоен призрак што официјално не постои
Овие платеници одиграа важна улога во војната во Сирија, а беа потврдено присутни во неколку африкански држави. Тие се често обвинувани за воени злосторства и кршење на човековите права во воените зони во кои дејствуваат.
Западот во битка со „Вагнер“, рускиот паравоен призрак што официјално не постои