Планот на Барса: Каталонците веќе имаат замена за Лионел Меси!?
Веќе подолг период се шпекулира околу иднината на Лионел Меси кој има важечки договор со Барселона до крајот на оваа сезона.
Најновите информации велат дека управата на шпанскиот фудбалски великан има сериозни планови во наредниот период.
Каталонците можеби ја играат една од најлошите, доколку не и и најлошата сезона во 21 век. Веќе во март останаа без Лигата на шампионите, ќе се обидат да ја поправат сликата во Шпанија, моментно заостануваат четири бодови зад лидерот Атлетико Мадрид во „Ла Лига“.
Барса веќе подготвува план за следното лето, кога големата реконструкција треба да донесе резултати. Главната тема е престојот, односно евентуалното заминување на Меси кој сè уште не ја објавил конечната одлука дали ќе остане на „Камп Ноу“..
Според угледниот „Ас“, Барселона има план во случај Аргентинецот да ги спакува куферите и да го напушти клубот. Замената ја гледаат во новата светска „гол-машина“, Ерлинг Холанд за чии услуги Борусија Дортмунд бара нешто повеќе од 100 милиони евра.