Питон голтна цел крокодил (ФОТО)
Фотограф во Австралија успеа да ја овековечи борбата помеѓу двата најопасни предатори на земја и во вода, питон и крокодил.
Во борбата за живот, како победник излезе втората најголема змија во светот, питонот, кој потоа го голтна крокодилот.
Случката беше забележана во едно од мочуриштата во Квинсленд, Австралија.
– Ова беше неверојатна слика, откако го задави крокодилот, огромниот питон успеа и да го голтне. Оваа случка ќе ја паметам цел живот – изјави кајакарот Мартин Милер, кој ги направи фотографиите од борбата помеѓу двата предатори.
Питонот не е отровна змија, и својот плен го убива така што прво ќе го обмота и потоа постепено ќе го зголемува притисокот врз пленот се додека не ги скрши сите коски или не го задуши.