Писонеро: Светска титула со Вардар ќе биде одлична најава! – Слободен печат
РакометСпорт

Писонеро: Светска титула со Вардар ќе биде одлична најава!

Давид Хосе Писонеро, шпанскиот тренер е наследникот на Роберто Гарсија Парондо на клупата на македонскиот и европски ракометен шампион Вардар.

Да потсетиме, Писонеро во наредните две години ќе ги води „црвено-црните“ и ќе се обиде да го однесе клубот кон нови големи успеси.

– Да се биде тренер на освојувачот на Лигата на шампионите е голем чекор за мене во мојата кариера – рече Писонеро.

Неговата прва задача со Вардарци ќе биде во август каде што тимот ќе настапи на ИХФ „Супер Глоуб“.

– Се надевам дека играчите ќе бидат подготвени да играат на едно високо ниво и се обидеме да ја освоиме светската титула, што би била прва во историјата на клубот. А тоа ќе биде фантастичен начин да се започне новиот предизвик – додаде Шпанецот.

Целта во новата сезона ќе биде да се одбрани титулата во ЛШ, а досега тоа никој не го направил од кога се игра на Фајнал фор турнирот во „Ланксес“ арената, во Келн.

– Слично како и лани, желбата е и во новата сезона да играме на високо ниво. Сакаме да го повториме успехот од минатата сезона и воедно има подобрувања во некои делови од нашата игра – заврши Писонеро.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close