Издавачкиот центар „Три“ иницираше пишувачки предизвик со тематски наслов „Карантински приказни – Антологија на изолацијата“. Целта на предизвикот е да дадат поттик за оригинални и интересни раскази што би биле напишани во време кога сите сме принудени да останеме во изолација и дружење најмногу со себе и со сопствените мисли.

– Покрај читањето, голема смисла на нашето секојдневје му дава и пишувањето, како еден од начините да се справиме со големата промена, но и да создадеме траен запис за еден од најдраматичните периоди од нашите животи – велат од „Три“.

Најдобрите раскази од предизвикот ќе бидат објавени во издание што ќе остане како антологија да сведочи за бурниот, на моменти и нереален, период во кој живееме. Сите пристигнати творби на имејлот [email protected] ќе бидат внимателно прочитани од редакцијата на „Три“.

(Текстот е објавен во „Културен печат“ број 24, во печатеното издание на „Слободен печат“ на 28-29 март 2020)