Пишман Влада

Не поминаа ниту 12 часа од најавата на Владата дека операциите за промена на полот ќе се прават на сметка на Фондот за здравство, кога министерот Филипче соопшти дека Владата се премисли.

А ваквата реакција следуваше, не поради тоа што така го советувале премиерот шеесетината советници вработени кај него во кабинет, туку поради острите реакции на социјалните мрежи и противењето на ваквиот потег на Владата. Ако нешто барем го советуваа можеби и немаше да истрча со таквата одлука, туку убаво ќе размислеше пред да ја најави.

Но, ова не е првпат Владата така брзо да се предомислува. Токму затоа и во јавноста и го даваат епитетот пишман влада.

Владата ќе го продаваше тоа на М и со парите ќе купуваше амбулантни возила, па после се премисли и не го продаде.

Прочитајте и...  Шокантно откритие на светските лекари: Коронавирусот се појавил во ноември?

Владата уште во првите денови од владеењето ги повлече економските промотори, арчеле само државни пари за џабе, па, пу пу не важи, ги врати повторно на сцена.

Владата за посетата на Папата Франциск прогласи неработен ден, па после работен, па во 5 до 12 неработен, ама само за јавна администрација.

Премиерот Заев ќе спроведуваше задолжителен референдум за промена на името на државата, па референдумот на крај испадна советодавен.

Заев ќе беше и министер за финансии, било време за економија, па се повлече, немало да биде, но сега ќе биде, но до изборот на нов министер. Хаос невиден!

Пишман потези колку сакаш.

Она што е најинтересно е дека ваквите потези Владата ги влече под притисок на јавноста и коментарите на социјалните мрежи. Тогаш каде е програмата „Живот за сите“, каде се ветувањата на тимот на Заев кои ги даде кога го рушевме режимот со пенкало? Каде се оние кои гласаа за ваквите политики? Или политиките и понатаму ќе ни ги водат фејсбукџиите и твитерџиите.

Прочитајте и...  Истражување: Повеќе од 70 отсто заразени не го пренесувале коронавирусот, тој се ширел на собири во затворен простор

Разбирам дека Владата сака да е транпарентна и сака да го слуша гласот на народот, но не ја избравме за да се води по коментарите на социјалните мрежи. Ја избравме за да постапува државнички и да влече одлучни потези.

Ако Владата направила проценка и донела одлука операциите за полот да бидат на државна сметка, очекувам дека тоа произлегува од претходни јавни дебати, од проценки и консултации со стручни лица. Нормално е во јавноста да има реакции и критики, но и тоа треба да се земе предвид кога се носи некаква одлука. На народот никогаш не можеш да му бидеш по ќеиф. Секогаш ќе има некој што е против.

Но, да си играш топло ладно со една така ранлива категорија на граѓани како што се транс лицата е надвор од секоја раумна логика. Тие лица и така имаат доволно проблеми во животот, прво се борат сами со себе, па потоа и со семејството и со цело општество. Овие лица и така не се прифатени во нашето конзервативно општество и сè уште се принудени да се кријат. И сега да си играте со нивните чувства, не е во ред. Тоа не доликува на една сериозна Влада.

Прочитајте и...  Анкета: Повеќе од една третина од Американците се обиделе да го спречат вирусот со средства за чистење

Пишман политики не ни требаат. Ни треба „Живот за сите“ и „Едно општество за сите“. Но ако вака продолжите, не знам кај ќе ви биде крајот.

Прочитај повеќе

Истражување: Повеќе од 70 отсто заразени не го пренесувале коронавирусот, тој се ширел на собири во затворен простор

Слободен печат

Шокантно откритие на светските лекари: Коронавирусот се појавил во ноември?

Слободен печат

Анкета: Повеќе од една третина од Американците се обиделе да го спречат вирусот со средства за чистење

Слободен печат

Што е тоа политика, а што се тоа избори

Ненад Јовановиќ

Вирусот постои, не игнорирајте го – порачуваат кумановските инфектолози Јосифова и Бајрами, кои се изборија со болеста

Слободен печат

Интервју со Зорица Десподовска: Освоивме бронза, во Полска доста се напредува индивидуално!

Фидан Коминовски

Остави Коментар

Прочитај повеќе

Читајте го бесплатно он-лајн викенд бројот на Слободен печат

Слободен печат

Ахмети посака Албанец за премиер, СДСМ порача дека со овој услов ДУИ нема да бидат дел од владината коалиција

Слободен печат

Активни 1.009 случаи на коронавирус во земјава, очекувањата се вториот бран кратко да трае

Слободен печат

Жената од Дебар со Ковид, синоќа била на Клиника за неврологија, по што 11 доктори, болничари и сестри се во изолација

Мирослава Бурнс

Венко Филипче: Вирулентноста опаѓа, новите случаи се од 15 семејства, најголемиот дел без симптоми

Мирослава Бурнс

Карантинска катарза

Жанета Скерлев