Тренерот на Милан, Стефано Пиоли е задоволен што неговиот тим успеа да остане непоразен на гостувањето кај Манчестер јунајтед во првиот осминафинален натпревар во Лигата на Европа.
„Росонерите“ до ремито успеаја да дојдат во втората минута од судиското продолжение со голот на Симон Кјаер.
– Честитките одат на сметка на фудбалерите, одиграа со карактер во желбата да ја контролираат играта. Добро се носеа во тешките моменти и успеаја да му се спротивстават на квалитетен противник. Мораме да одиграме поквалитетно во реваншот доколку сакаме да одиме во наредната фаза. Постојано зборував дека не водан нормален тим туку неверојатен тим. Можевме да дојдеме и до подобар резултат уште сега, но покажавме дека знаеме да играме против многу добра екипа – изјави Пиоли.

ВИДЕО: Кјаер ги шокира „црвените ѓаволи“