Пинк се напи во изолација, па ја скрати косата: Пејачката се кае за својата фризура (ВИДЕО)
За време на пандемијата од коронавирусот многу познати личности прават работи кои претходно ги немаат направено, но потегот на познатата пејачка Пинк (40) ги остави без зборови тие што ја следат.
Всушност, таа самата себе си ја скратила косата и тоа неуспешно.
Во видео на Инстаграм ја покажа новата фризура, доколку може да се нарече така.
„Кога пијам, на памет ми доаѓаат одлични идеи. Така вчера вечер ми дојде идеја дека можам самата да си ја скратам косата“, напиша Пинк во описот на видеото.
На некои делови од главата таа воопшто нема коса, а некаде има и дупки. Таа нагласи дека ќе се обиде да ја поправи штетата и им препорача на сите да останат дома.
„Останете сигурни, останете дома, скратете ја косата“, се пошегува на крајот од видеото.
Инаку, Пинк последните две години ги помина патувајќи низ светот во склоп на турнејата „Beautiful Trauma World Tour“.
Таа истакна дека сега сака поинаков начин на живот – семеен.
