Едноставните јадења се најчесто и највкусни, потврдува и рецептот на познатата готвачка Нигела Лосон за пилешко со лук и лимон. Лимонот и лукот ќе му дадат посебна арома и вкус на пилешкото месо. Лесното приготвување дополнително ќе ве привлече, а овој нов рецепт ќе стане ваш омилен.

Не е потребно да сте вешти во кујната бидејќи доволно е да ставите сè во плехот за печење, да додадете лимон, неколку чешниња лук, зачини по желба и да се препуштите на уживањето во мирисите што ќе шират од рерната.

Резултатот е сочно и меко месо кое освојува со освежителен вкус благодарение на лимонот.

СОСТОЈКИ:

– 6 пилешки копани
– 1 главица лук
– 1 голем лајм
– 1 лажица мајчина душица или неколку свежи листови
– 3 лажици маслиново масло
– 150 мл бело вино
– сол, бибер

ПОДГОТОВКА:

Загрејте ја рерната на 160 целзиусови степени. Поделете го пилешкото на парчиња и излупете неколку чешниња лук. Исечете го лимонот на кругови. Ставете ги сите состојки во сад и подмачкајте ги.

Ставете ги копаните во садот за печење, додадете ги лимонот, лукот и мајчината душичка. Истурете го виното и печете ги половина час, но покриени со фолија или хартија за печење.

Извадете ја фолијата и печете уште неколку минути на 200 целзиусови степени додека не добијат крцкава кора.

Послужете со гарнир по желба.

Добар апетит!