Пик Сегед е противникот на Вардар во осминафиналето на ЛШ
Македонскиот и европски ракометен шампион ќе биде домаќин во СЦ „Јане Сандански“ – Скопје на првиот натпревар против унгарскиот клуб…
После поразот од Монпелје и освојувањето на шестото место во групата „Б“, екипата на Вардар го дозна и противникот во осминафиналето од ракометната Лига на шампионите.
Пик Сегед е ривалот на македонскиот и европски шампион, унгарскиот клуб вечерва загуби на гостувањето кај Барселона со 30:28.
Први стрелци во Пик Сегед беа левиот бек Бодо со седум голови, пет запиша шпанскиот десен бек Македа.
На спротивната страна хрватскиот плејмејкер и поранешен играч на Вардар, Лука Циндриќ со седум погодоци. Во составот на Пик Сегед настапуваат двајца поранешни играчи на Вардар, Жоан Кањелас Хорхе Македа.
А освен шпанското дуо има уште многу врвни и квалитетни имиња со кои ќе се соочи нашиот првак како Алиловиќ, Банхиди, Бомбач, Габер, Хенигман, Калман, Миклер, Сигурмансон…
Вардар во периодот од 18-22 март ќе биде домаќин во СЦ „Јане Сандански“ – Скопје на првиот натпревар против Пик Сегед, а реваншот од 25-29 март.
Победникот во четвртфиналето ќе игра со подобриот од дуелот Висла Плоцк (Полска) и Веспрем (Унгарија) на нашиот Дејан Манасков.