ПИЈАНА БАЛЕРИНА направила хаос на Хитроу: Се тепала и ги гризела полицајците
Балерината од Мадрид, Дајана Андреас Ривера направила вистински хаос на лондонскиот аеродром Хитроу.
Таа физички ги нападнала службениците и полицајците кои се обиделе да ја спречат да се качи на летот, поради видната алкохолизирана состојба, пренесува „Сан“.
Претходно таа останала на улица откако била избркана од станот во кој била сместена. Како што наведува „Сан“, таа не била во состојба да го пронајде својот пасош, па полицијата морала да го забрани пристапот до авионот.
Откако ѝ забраниле да се качи во авионот и се обиделе да ја приведат, таа физички ги нападнала полицајците и службениците, а еден го изгризала и почнала да го гребе.
Кога се обиделе да ја запрат, станала уште поагресивна. При претресот на багажот ѝ пронашле и нож во куферот, за кој велела дека не знае дека го носи.
Таа ќе биде казнета за поседување ладно оружје и напад на службени лица, а пресудата ќе каже дали казната ќе биде парична или затворска.