Петрески: Економијата е жртва на политиката

Петрески потенцира дека економијата е жртва на политиката, пред се поради нестабилноста манифестирана преку чести избори.

Не се изненадувачки резултатите од најновото истражување за јавната перцепција на „Finance think“ кои покажуваат дека граѓаните посакуваат функционално владеење на правото пред сè. Но пред се, на државата и фали долгорочна стратегија на која граѓаните ќе можат да и веруваат со цел да го планираат својот живот во Македонија. Ова е еден од заклучоците на Благица Петреска, извршна директорка на  „Finance think“ во Македонија, искажан во денешниот „Утрински брифинг“ на „Слободна ТВ“.

-Не не изненадуваат резултатите дека функционирањето на правната држава им е важна на граѓаните, со оглед на последните индикатори за транспарентност, кои покажуваат нефункционално владеење на правото. Тоа ја поткопа и економијата. Веруваме дека економијата ќе растеше доколку имаше поголема сигурност. Оттаму владеењето на правото треба да биде стожерен фокус на политичките партии во програмите. Било кое поместување кое ќе им даде на бизнис секторот и граѓаните една поголема сигурност, односно конзистентност при спроведување на законите, ќе влијае и на економијата- вели Петрески.

Прочитајте и...  Во Италија повеќе од 420.000 луѓе ќе останат без работа

Петрески потенцира дека економијата е жртва на политиката, пред се поради нестабилноста манифестирана преку чести избори.

-Имаме чести избори. Во текот на тие процеси, економијата се движи многу бавно..практично се чека да се видат кои ќе бидат следните политики и тие програми потоа се кратки. И тоа не му дозволува на бизнис секторот да планира долгорочно- вели Петрески.

Како клучни фактори кои треба да помогнат за достигнување на задоволително ниво на потенцијалот во државата, Петрески пред сè ги издвојува образованието и здравството, кои според истражувањата на „Finance think“ се исто така приоритет за граѓаните.

-Подобрувањето на квалитетот на образование и на здравството се следните две теми кои граѓаните сметаат дека треба да бидат во фокусот. Не видовме подобрување кај овие две гранки кои пак се мотор на граѓаните. Се работи за клучни сервиси кои ги нуди државата, кои пак треба да ја подобрат состојбата на граѓаните. Ако се подобри квалитетот на овие два сектори, ќе имаме далеку подобра основа за прогрес на економијата- вели Петрески.

Прочитајте и...  Основачот на Твитер ќе донира 1 милијарда долари во борбата против Ковид-19

Нo можеби најважното, заклучува Петрески, е дека нам ни фалат долгорочни стратегии и конкретни планови за економски раст, за вработеност, со цел да се генерира пораката кај младите дека без разлика кој ќе ја води државата, тие ќе можат да планираат долгорочно.

Прочитај повеќе

Бројот на починати од Ковид-19 во Шпанија е помал во однос кон крајот на март

МИА Агенција

Се одложува издржувањето на казна затвор за оние лица кои се осудени до три години

Слободен печат

Во Франција привремено без работа останаа 6,3 милиони лица

МИА Агенција

Димитров: Ја примивме помошта од пријателска Турција, од турскиот народ до македонскиот народ

Слободен печат

Уште четири смртни случаи во Србија, вкупно заразени 2.666 лица

МИА Агенција

Сите во своите домови, започна со примена полицискиот час во цела држава

Слободен печат

Остави Коментар

Прочитај повеќе

Британскиот премиер е „клинички стабилен” на Одделот за интензивна нега

МИА Агенција

Парични казни за семејство во Берово за непочитување на полицискиот час

Слободен печат

Социјално загрозените семејства ќе земаат гарантирана минимална помош од 4 до 10 илјади денари

Слободен печат

Петмина шумски работници загинаа во експлозија во Турција

МИА Агенција

Кризниот штаб Куманово бара уште пунктови за тестирање и донесе други мерки

Слободен печат

ЕУ ги одобри мерките за најранливите групи

Слободен печат