Петмина повредени во сообраќајка кај Струмица
Пет лица се повредени во сообраќајна несреќа која се случи денеска околу 13:50 на патниот правец Струмица-Ново Село, во близина на крстосницата кон село Сачево.
Сообраќајката ја потврди портпаролката на СВР Струмица, Хризантема Рендевска, која информираше дека дошло до директен судир на два автомобили, а пет лица се повредени и се пренесени во Струмичката болница.
За сообраќајната несреќа информираа и од Територијалната професионална против пожарна единица на Струмица. Шест пожарникари интервенирале во извлекувањето на повредените, кои потоа биле предадени на екипите на Првата помош.
На местото на несреќата се врши увид. Патот е затворен за сообраќај, а полицијата го насочува преку заобиколни патишта.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот