23.8 C
Скопје

Петличковски: Лицата што прележале коронавирус имаат солиден имунитет шест месеци

Лицата коишто прележале коронавирус да причекаат шест месеци пред да примат вакцина бидејќи имаат солиден имунитет и местото треба да им се препушти на оние коишто воопшто немаат имунитет, рече во вечерашното гостување во емисијата „360 Степени“ на Алсат, директорот на Институтот за имунобиологија и хумана генетика, Александар Петличковски.

– Најразумен пристап во моментот за нас е тие што ја прележале болеста да причекаат шест месеци и потоа, веројатно ќе се кристализира оваа стратегија – тие со прележана болест да примат само една доза. Мислам дека натаму оди размислувањето во Европа. Но, во првите шест месеци тие имаат солиден имунитет и местото за вакцинирање треба да се препушти на тие што немаат никаков имунитет, вели Петличковски.

Исто така, Петличковски рече дека е невозможно да имаме околу 115 реинифицирани со ковид-19 во земјава, бидејќи тоа е многу редок случај и во светски рамки каде се регистрирани десетина случаи.

– Невозможно е да имаме 115 случаи на реинфекција, кога во светот се детектирани од 10 до 15 такви случаи. Теоретски реинфекцијата е можна, но тоа е толку многу редок настан што нема шанси во Македонија да има толку случаи на реинфицирани. Тоа би значело дека од околу 100 илјади заразени, околу 10 отсто имаме реинфицирани и дека никогаш нема да излеземе од кругот на пандемијата, а тоа не е случај, рече тој.

Поврзани вести

Трошка надеж за подобри односи на суперсилите во иднина

Слободен печат

ВИДЕО l Масовна тепачка во украинскиот Парламент: Се скараа пратениците од владејачката и опозициската партија

Слободен печат

Саливан: Бајден и Ердоган не се договорија за руските противвоздушни ракетни системи С-400

Слободен печат

Разни соеви на ковид-19 галопирачки се шират во Африка

Слободен печат

Македонците ќе можат слободно да патуваат во Германија: Границите ќе бидат отворени за вакцинираните лица

Слободен печат

Санкционирани 106 возачи поради пребрзо возење во Тетово и Гостивар

Слободен Печат

Остави Коментар