Сезоната во Серија А е суспендирана поради пандемијата на коронавирусот од која во Европа најпогодена е токму Италија. Во Италија пак, најтешко погоден од коронавирусот е Бергамо каде според последните податоци починале повеќе од 4.500 лица во градот кој има 120.000 жители.

Телата на починатите се носат со воени возила во други градови бидејќи крематориумите во Бергамо не се доволни.

Поради тоа, но и поради поради фактот дека Аталанта има фантастична сезона во која се наоѓа во трка за титулата во Серија А, а во Лигата на шампионите обезбеди пласман во четвртфиналето, беше покрената петиција во која се бара титулата да и биде доделена токму на Аталанта.

Во петицијата се наведува дека тоа би била награда за „спортските успеси во последните две години, а исто така и искажување на почит кон сите граѓани на Бергамо, градот кој стана симбол на страдањето на Италијанците за време на пандемијата“.