Петгодишно дете од село Чегране вчера било итно пренесено во болница откако ги испило таблетите на баба му додека го чувала.

Од СВР Тетово соопштија дека на 8 јуни, во 18:40 часот, полициски службеници од Полициската станица Гостивар разговарале во Педијатриското одделение при Медицинскиот центар во Гостивар, каде што детето било донесено поради труење со лекови.

Мајката на детето, 25-годишната Н.А., појаснила дека настанот се случил околу 17:00 часот, додека таа била на работа.

Детето било под надзор на неговите баба и дедо во нивната куќа и, поради невнимание, дошло во допир со таблети кои биле оставени на лесно достапно место од страна на бабата и ги голтнало, по што се појавиле здравствени компликации.

„Детето е затекнато во стабилна и контактибилна состојба, а по укажаната првична помош е префрлено на Детската клиника во Скопје за понатамошна нега и испитувања“, соопшти полицијата.

Детето што се затру со таблети денеска ќе биде пуштено од Детската клиника, докторите апелираат лековите да се чуваат на сигурно