Петгодишниот Мануел Бесар од Флорида, повикал 911 и на диспечерот му кажал дека е гладен, како и дека сака да нарача пица, објавило полициско одделение на Санфорд.

Полицијата била испратена на адресата со намера да провери ситуацијата во домот од каде пристигнал повикот. Во таа прилика тие го пронајдоа Мануел и неговата 15 годишна сестра, која им објаснила дека се е во ред и дека Мануел го земал телефонот без таа да знае.

Полицајците одлучиле да го искористат овој момент за да му објаснат на момчето за правилна употреба на 911 службата, но еден од полицајците сепак ја исполнил желбата Мануел и му донел пица.

Како што рекло детето на крај, тоа се јавило бидејќи било „баш, баш“ гладно.